GST કાયદા અન્‍વયે પત્રકો ભરતી વખતે રજીસ્‍ટર્ડ વ્‍યક્તિ તેની સ્‍વ-આકારણી કરે છે.

• બધા જ પત્રકો ઓનલાઇન ભરવાના છે. તથા CGST, SGST, UTGS અને IGST કાયદાનુ કોમન પત્રક ભરવાનુ રહેશે.
• જો કોઇ રજીસ્‍ટર્ડ વ્‍યક્તિએ અગાઉના માસનુ પત્રક નહી ભરેલ હોય તો ત્‍યાર પછીના માસનું પત્રક ભરી શકશે નહી.
• પત્રક મુજબનો વેરો સપ્‍લાયરે ભરેલ હશે તો જ રીસીપીઅન્‍ટને ઇનપુટ ક્રેડિટ મળશે તેવી જોગવાઇ હોવાથી સપ્‍લાયરે પત્રકે ભરવાપાત્રક વેરો ભરેલો હોવો જોઇશે.
• જી.એસ.ટી.ના કાયદામાં પત્રક રીવાઇઝ કરવાની જોગવાઇ નથી. પરંતુ સપ્‍લાયરના વ્‍યવહારમાં ફેરફાર ક્રેડીટ નોટ – ડેબીટ નોટ તથા સપ્‍લીમેન્‍ટરી ઇન્વોઇસ થકી થઇ શકશે તેવી જોગવાઇ છે.
• નોંધાયેલ વ્‍યક્તિએ ઇલેકટ્રોનીક કેશ લેજર મારફત વેરો ભરપાઇ કરવાનો રહેશે. સદર કેશ લેજરમાંથી ભરવાપાત્ર વેરાની ડેબીટ એન્‍ટ્રી કર્યા બાદ જ વેરાની ચુકવણી થયેલ ગણાશે. કેશ લેજરમાંથી વેરાની ચુકવણી ઉપરાંત, પેનલ્‍ટી, વ્‍યાજ તથા લેઇટ ફી વિગેરેની ચુકવણી પણ થઇ શકશે.
• કેશ લેજરમાં TDS તથા TCS દ્વારા કપાયેલ રકમ જમા મળશે.
• વેરાની ચુકવણી ઇલેકટ્રોનીક કેશ લેજરમાં CGST, SGST, UTGST અને IGST થી થઇ શકશે.
• ઇલેકટ્રોનીક ક્રેડિટ લેજરમાં CGST, SGST, UTGST અને IGST થી જમા થયેલ ક્રેડીટ બતાવશે. જે પત્રક મુજબ ભરવાપાત્ર વેરા સામે મજરે લઇ શકાશે. ક્રેડીટ લેજરમાં વેરાની જમા રકમનો ઉપયોગ વ્‍યાજ, દંડ કે લેઇટ ફી ભરવા માટે લઇ શકાશે નહી.
• જે નોંધાયેલ વ્‍યક્તિ ઉચ્‍ચક વેરાનો વિકલ્‍પ સ્‍વીકારે તેમને ક્રેડીટ લેજર દેખાશે નહીં, કારણ કે તેમને ઈનપુટ ટેક્ષ ક્રેડીટ મળવાપાત્ર નથી.
• નોન રેસીડનટ ટેક્ષ પેયરને ક્રડીટ લેજરમાં ફક્ત ભારત બહારથી આયાત કરેલ માલ ઉપર ભરેલ IGST ની ક્રેડીટ ઇનપુટ ટેક્ષ તરીકે જોવા મળશે.
• ટેક્ષ લાયાબીલીટી રજીસ્‍ટર બે ભાગમાં વહેંચાયેલ હશે. ટેક્ષ લાયાબીલીટી રજીસ્‍ટરના એક ભાગમાં પત્રકને લગતી લાયાબીલીટી અને બીજા ભાગમાં રજીસ્‍ટર્ડ પર્સન સામેથી આકારણી, સ્થળ તપાસ કે અન્‍ય કાર્યવાહીથી ઉપસ્‍થિત માંગણાની વિગત જોવા મળશે. કોઇ પણ નોંધાયેલ વ્‍યક્તિ ટેક્ષ લાયાબીલીટી રજીસ્‍ટરમાં સુધારો – વધારો કરી શકશે નહીં.